Dr Bijoy Debbarma
Saichwngja nokhla kuna babaisa
Bari khumtwisa barmani barsa
Emango dagi jaktwi
Motom sunai thahngo kutung khukchwibai
Bini kwsap lephung khangaro.
Khukchwi thepadorop seko
Phungsa bai bari khumtwisani khangar
Chaksao moso kamranga kumun hai
Ajora nokhao bodolsa chibuk mailam
Khaklabo lamwi metreng matrang pali
Haba kasdorop
Mwnwi laio ani tongmung nugwi
Salaio: Chi! Chi! mwkhrasa lachiya
Aswk sal kwthang kwthang
Jotoni bwskang………
Tei tamo khwlai sinai
Hama kolokma yakarwi
Hilik bwkha bai habo noksingo
Berep rio doga tailam.
Teini salobo abotwinu abotwi
Abotwi khe salsa, talsa, bisi kurungo
Maising, tangbla, uatwi hadwlwi bwswk laisokha
Ani lampra bwskangtwi.
Aboni ulo sokphaikha hamsa, semano tkalai.
Mokolo sorkhio
Khukchwio pero bakhuma
Bukung kuphurng rio tokha khi.
Bari khumtwisa swkangni hainu
Risa sokdorop
Khorogo thok motom
Mokolo muani.
Ani khpangkhe kwbai kichik
Tei golong golong.
