Ama kanlangma kotokni mala,
dwk rwrwk chwnam rwrwk.
Khajuo berjak jalai khumtwisa,
hoi rwrwk motom rwrwk.
Tripura hani laibumano nugwi,
nai rwrwk wana rwrwk.
Sirisitini kwmajak halok,
dwk rwrwk kiyok rwrwk.
Hachwk besero twima rukungo,
Dongoima Dongoipha Kothomamala,
supjakya piring poroi.
Hao phopjakkha twio kochokkha,
baksaba komolwi thangkha.
Khorok bomwi naisingwi tongw,
Ha bai mwchangya khaiwi.
Bophoro kholnai saboba supnai.
Rangchakni Kothomamala.
Kwma soknaikha rangchakni halok
thinango boro mannai ?
----12-11-2015
Bhuban Mohan Jamatia, Amarpur Gomati Tripura
