Busu lampra mwnakni khama.
Yamorok hakhor kanani bokhor.
Hayung tokhlai mwktwi twisa.
Rimi yapaio yasi kwplai.
Nokhale philik philik jilik milikbai.
Phuirang bekereng hohthaih.
Athukri chamri chengkharu ahai.
Chungjaya nungle salni pohor hainohai.
Bekereng kebel uansukphan baima.
Khathaihjakya khao dophano langma.
Kepleya jora phunukdi,dophani hamkhwrai lama.
Majra pogwi, baithang nakarwi.
Phaidi rosawi busulung lama.
Tongano tangjak imangni tongthai.
Phaidi kuthumbwi paithakni choba.
Hosunda luka dopha tousawi.
Paithakni choba paithakni langma. (eba)
Paithakni choba langmarung langma.
Mari tongruknai ari naruknai.
Huijak kothoma rangchak.
Imangni hayung tangjak.
Bojakno bomphrai rangchak.
Yapai kaisa wanswkdi kwrwngwi khabaksa.
Sinkwlwk naidi tinino waisa.
Langmani mari omotui thaisa.
