Imang de wngkha
Mwkthang de wngkha
Mwnaiti nono nugwi
Muktwrwini sichakha.
Nini yakungni gugura khorang
Ani khunjuo buphaiwi
Aichukni imango kulukma
Sichao ani mang.
Khuk bai khugo sajagwi phaio
Aichugo imang nukma
Aswkle erengthaya hinwi.
Mwnaiti nwng muitu khwlaikhuna
Kwnwi kaisa agulini kiphilwi
Nogo thangmani abode muitu khailang.
Hachuk bolongo mwswini khorang
Khunaliya tini.
Tamoni wngkhuna
Nwng salsaswk wansugwi de naikha
Salsale nwng muitu khwlaikhuna.
Aichukni imang imangni kothoma
Wajak laibuma kochokjak
Wnganw i aichukni imang.
Swinai: Pohar Debbarma