Bahai tong?
Kebo swngya
Bahaikhe tongwi tong?
Abobo swngya.
Tomung swngkhe
Ang sanai-
Waisa nobar
Waisa twi,
Waisa makhogwi
Waisa himwi,
Waisakheba kwprapjak satung
Waisakheba sakolom,
Waisa hinkhe watwi kisi.
Haiphano tamokhe tong?
Kebo swngya.
Mokjak jorao koksanai tal
Tai logio tangsa rwchapmung”Khatijak nini bagwi”
Abo buya.
Swngkhe sakhamun
Nukhung khungchilitwi athukiri lekhama
Thapa kobongo aming thuma,
Tei sakhamun Dogolam bachai
Twisa kochogwide phaino
Ani nokhwlao-Naisingjak sal-hor.
Haiphano kebo swngya
Twisani twibuya
Rondokni mailuma buya
Swngya kebo
Lamani lampra buya,
Mai khul tubunai Goria raja buya.
Ang ahai kok sanai rwchapnai
Nwng boya,
Nwng ahai surinai kapnai
Bo buya.
