Chwngle oh hani bwsa
Yaphang murama thansa
Tonglaijao kuna kaisa.
Chwngle oh hani bwsa
Bolongo tongo toksa
Toksani khorang pungma khwnaui
Naichomwi tongo mwsa.
Bolongni mwsa kirima singsa
Buphuru choporopno jani,
Bolongni toksa abono khwnaui
Mogwi tongjao kisa.
Chini oh hani khum
Motomsaui baro
Khumni bahai motomno manwi
Thango bongbwrai berengwi.
Chini kokborok kokthai
Bwswk khwnathok sursajaknai manwi kwrwi
Khumni bahai bwswk motomsa
Sanani kok kwrwi.
Khumni bahai motomma manwi
Bombwrai kobor chao,
Kokborok kokthai rochongma nugwi
Khapang kha swrang phaio.
Chwngle oh hani bwsa
Joto kha baksa
Thwiwi thangbo logio tongnai
Tobo tonglainai khabaksa.
