Twimani ayang nar
Nini haphar.
Twimani yang nar
Ani haphar.
Rihinbo khorang
Mwrwi mwrwi
Nuhurbo sakmang
Pile Pala.
Phiyaba hamjakmani twiyungo
Kwlwkjak khoroknwino.
Khoroknwini Kha thansa
Wngnani naikhe
Kwcharo twima robogo.
Khoroknwini Kha kwnwi
Milina naikhe
Nokha Somchai pherang kogo.
Khoroknwi lam Kaisa
Himnani naikhe lamao
Chibuk sindrai rekeo!
Khoroksa khoroksa no
Nasikna naikhe
Kwcharo siyari lobsao.
Khoroknwi yak romui
Himnani kirio
Nobar Kotor phai yak kagnani.
Nwngbo angbo
Hamjakmani twiyungo
Bahaikhe bomtwikhe
Lama lam koroi sokphaikha
Siya siliya sinabo nailiya.
Tabok ang kwmajak Nini
Hamjakmao…
Kwlwkjak Kha bogwla chajak
Hapharo khoroknwini mung kaijak
Nini bai ani kothoma pirjak!
“Hamjakmani Hapharo” – Shyamali Debbarma
