Tabuk sabo phainai tongsi
Ani kamio ?
Sabo achukphainai tongsi
Ani khurio ?
Kwcham halokni jorale
Angse raibai ma wngjao.
Tabukle sabo sak nangnai tongsi ?
Kebose swngphailiya tabuk anole
Kaham de tong, hamya hinwi.
Sirisitini jorale pal pal phailaikhe
Thakmase kwrwi.
Phiyaba tabukni jorale
Kebose phainai kwrwi.
Kebose ano muitu manjakya
Phaiwibo kebo naiphailaiya.
Hor Sal saichung khwlaiwi,
Kothoma wao wansuk wansugwi.
I jora swlaijagwi thangmabai
Pogwi thangkhwna ano.
Henerwi rwchabwi saichungno
Ma methepjao khapangno.
Bolong khaui thangbaikha ani kami
Teide kokno solsi !
Sabose hoksinai tabukba phaiwi ?
Imang thango ani kochogwi.
Muchungma angle kwlangna norokno yapharwi,
Phiyaba phase phailaiya kebo wansugwi.
Anibo kha khamo noroknihaino,
Angbo sio norokni hamjakmano.
Haiphano ang norokno koihorjao
Phailaisidi tongo ang ringhorwi,
Hapingo saichung muktwi hu huwi.
