Naidi tei uaisa sal nukjagwi phaikha
Nokhao tei chumui kosom kwrwi
Tokrog kiphilwi rwchaplaikha
Cwng tei uaisa mwsawi mano
Tongthoklaimanw khorang tisawi.
Haiphanw sal kosom kiphilwi phaikhe
Imang hamya ongwi
Aphuru nwng ta kirodi
Mokol phiyogwi naidi
Himwi phaikha Lama kolokma
Khibwi phaikha kothoma kwbangma
Imang hamya-bo kwmai thangnai
Salsa sal kosom haikhe.
Himwi tongdi nwng
Nwng himwi – no ma thangnai.
Himwi tongdi – Lincoln Murasingh
