Jora ni watwi || Laisa Debbarma

Wansugwi naimani nono twiwi,
Bahaikhe phaika nwng tini hinwi.
Saimankha, kebo ringmabai nwng phaiya hinwi.
Nwng phaio jora bai gwdalwi,
Kiriyai sak-saichungni raida rakhokgwi.
Gwdalwi jora ni bising khobjagwi.
Nwng phaiya sani ni nokbar,
Kwchangrio bebak swngchar.
Nono manma bai baksa,
Thangsao bebak mokjak langma.
Buphang-waphang twima-twisa
Ring tongphuru nono,
Ma ringo angbo,
Wansugwi baithangni sagno.
Phiya nwng buphuru waphaino kebo siya,
Saimankha, chini surima bai nwng phaiya- thakya.
Wngna muchungo angbo nwng hai,
Kebo no kiriyai, kebo no sundruyai.
Thangna mwchung bwskang bwkhak,
Gwdalwi jora ni bising khobjagwi.