Khapang rangchakni saltung naisingmang,
Maising siyari laiui thango.
Swngcharni goron naharmang naharmang,
Nukhungni khakchangma kwmaui thango.
Buini mokolno husamang husamang
Sakni mokoltwi kwlaiui thango.
Tongthok jorano naitukmang,
Khakchangmasi kwmaui thango.
Buphang uaphang komoro,
Rojong chaui thango.
Nwng ang kebo siya,
Jora buphuru swlaijak thango.
Khum bwkhwrwi salsa kiyogo,
Khumbarni goron manno,
Khumbar no siniui nadi,
Salsa bebak babwrai chabaio.
Bongbwrai bothop ba kwtwi thumnai,
Morokmung khumbarsi bono rinai.
Jora tongsani swnam narwkdi,
Yagulo se yamroksabo kok sao.
