Mungle anibo khwnathothokno
Sabole baithangni mungno khwnathokjakya tongba?
Puila ani mungba Kamichangda wngkhwna?
I kokbuma ang sabono swngnai?
Khgasiporom paramo haba thanairog
Harep kuar kamini kothomano salaio
Ochai barua diyari karmabai
Deur burasa naichomwi tongkha
Kami yakarwi thangyakhai
Kwthangsi chajakbainai.
Ang khwnaui tongphano
Ani khorang kebo khwnaya
Hatibarsani bisingono
Kami yakarwi thangbaikha
Salkisa ulo bodol dolsa himtwtwi
Mare marai koksalai thanglaio
O kamichangni borokrog kami kwtal swnamwikha
Himdi dodi, kirimasingsa!
I kok khwnai ani khakhamo
Tabuk ani mung swlaijagwi
Kamichang bura wngkha.
Nok kichik michigo,
Nukhung kwpwlatwi uatwi sijak khuturuk
Kwpalni kothoma sa saui
Muktwi yorsajak, salburum kengaijak.
Kwpalno majora ber berwi
Nokphangni bwkhago yasi surwi
Salburum kabo tongthai nikuma rutugwi.
Kamichang – Biplab Debbarma
