Khamaima gwnang borok
Kwchang saimania kokrog
Binisai kuchuk laijakna Kiri
Mekhagwi sao kokrog
Buini kahambo naimania mokol
Derai kokrog chabo
Derarwi rwo buini hamari
Kaslei thango binino yapiri
Kosong borokle deramung manbo
Baithang hamari mano
Khamaimai borok khakchangma mania
Buini kahamno naisigwi naia
Khao tektobo paisukmung kwrwi
Muchungtwi manya samungbo charwi
Sakasaka khai miligwi naio
Mwkhang kwchang khai mwnwi phunugo
Bini kha bising buino kebengna
Kok biti chabwi naio
Boh hai borokni tomung chaia bai
Chapjakia wngkha joto dopha bai
Kolomtwi kwlai samung tangphano
Chabwi mangwlak chini dophano
Khamaimai borokni bagwi.
Hamjakma kupulung bwkha
Jotono wngnani nangkha
Haia khai chini kosong dopharog
Kwmaui thangbainai wngkha
Bwkha swrangdi khamaima iakardi
Hamari iapang rwgwi rom tongdi
Aiang nahardi nokha iaphango
Chaksai sal kasai phaikha
Khamaima bemar borok kotorni
Bithi biraibai ham thangia khani
Uaisa hap thangkhai tai nongkhor thangia
Khamaima kokrogno uansukjaknaia.
Khamaima By Dr. Sonacharan Debbarma
