Maising siyari bai munakjak
Naiwi nukhorya chati phunangbo nukhorya
Sal pilala phunukhogwi
Phaidi , himdi ringkhogo khorang rogwi
Siyari bai kamajak lam
Lamsoknai kebo kwrwi
Khorang rowi phunugo imang
Twidulwi twinai kebo kwrwi
Sak sak sogwikhai pilalao
Khorang ronabo pogwi thango
Anghai tong kosong tongnaino.
Maisingmol paiwi watwimol phaio
Nokha chumui budul budul
Nokha somsai phaio
Nokha gurumsai phaio
Nokha philiksai phaio
Abono nugwi khapang tongthogo
Tabukle imang , ongganu mukthang hinwi
Phiyaba waya watwi
Nober sipsamabai thagwi thango watwi
Imang imangno tongrugu
Anghai tong kosong tongnaini .
