Chumui mwnaksai watwi kwlai
Nokni aming Thapa chwlao
Awang bangwi sokjak bahai
Tentaio o kha ano nini phasing.
Rojong romwi himnani
Baiwi kwlaikha
Satung kuchwng naithokma
Mwnwio ano ani khano nugwi.
Kwchangma siyari budulo
Pantwi kok sawi
Masing jorabai tungmol jora
Jora kwcharo kwnwi malai mol selaio.
Khapang yakhwrai nono rwthani
Toksa doliyaba khorang thakjakha
Berama bwtwi khwlai chari thani
Muktwi yorkhado o jaduni.
