Gairing nugulo khangar yak sungwi
Tei waisa kiphilwi phaiphinw hinwi
Naisingwi tongjama khapangni jaduno
Puitu bai halok khaui.
Nwng phayanw hinwi
Khumbar barsa kholwi narwkma
Buphuru Jani babwrai chalangkha hoywi
Khapangle dwksa wnglangkha wanaui.
Kok rwlaima kha-swmai tugwi
Langmani logisong swnamna hinwi
Thinang yakhwrai bolai
Kha bai khano manjuwi.
Achomsa chini halokni kwcharo
Biyangni boyar ba sibphaikha
Chaswmai-ni duk chowi
Holok tansujak thangkha
Muktwi-ni twisao kochogwi
Sal hor mukumya serekhe yakarwi
Ma tongkha jaduno khatang khatangwi;
Logini kagwi hachalo thangma ba
Langma-se chotwtwi.
Kha khamwi swlwksai phaio
Ah jora methebna phaigwlak kebo
Jadu tini-bo nini mangpili naywi
Khapang yoksao swlaijakma nugwi.
Kubuino nwng kiphilwi phailiya!
Puito-ni halok phonwi kwraikha
Langma-ni lam kuphungsai phaikha
Himnani phan belnani nangkha.
Langma-no bedogwi risinai nini samo
Kubui hamjakma phunugwi
Hayung-no yakarwi thangsinai
Muktwi-ni twisao kochogwi.
