Kwkhwrang emangni bolongo,
Achomsa kapmani khorsng
Bwkha kwlwio khorang khwnaoi
Saboni wngkha khorang?
Kirima kupulug bwkhano twoi
Tep tep yapri kholoi
Ang thangte, thangte,
Sogwi kha bolong bisingo.
Hachuk kwrio holong pirsarjak
Baksakhe twima rwkwngni twio kochokjak.
Khasiya holong chapna naikhe bo
Chapjakna naiya lali bo hamlang liya.
Yakwng ninango happung kwlwi mabai,
Hapung gwnangwi twiruma pherjak
Mokolni mwktwrwi bai.
Baithang muchungtwi yapri seoi
Sakni langmano twio kochorwi
Komor kha holong twrwk twrwk.
Dibor joraoh satwng dik dik
Cirigwi tongo nono ringhorwi holong
Tbkbo tongkho muranswkya khu.
Komorswkya kho oh holong
Nasingjak yapri thansa himnani bagwi.
