Kwchangma jorani phung aichugo khakchangma bini achu burabai himnani wngkhorka.Yaksi -yagra siyari lob lob.Sak baithangni yakung bade tai kisa misa phanose nukjakya aswkhe siyari dumjak.Aphuru atkaisa toksa masa khakchangmani khunju ganatwi chik chik wngwi pungwi brab brab khai uri thango.Khakchangma kirijagwi omayu hinwi bini chuchuni yak romo.Haikhe himlai tongphuru tai kisisa yapiri semani logi logino khakchangma kirijagwi bathak thango.Bini da burani yakno kwrakhe romwi sao,achu..iko naisik naigradi abo tamo bhut hai nokha saka kasaoi thangwi tongma hai wng tongkha?Aboba kuphur bhutse ble!Bahaikhe boh yarong yarongkhe nokha saka kasaoi thang tongkha!Aphuru achubo naisik nai nugo,tai nugwi uairik khai mwnwioi sao,o aboba bhutyakhe tamo sa!Chakha tini bhutni magicrok nai mannao.
Khakchangma kiri koro wngwi teibo bini daburani yakno kwrakhe romo.phiyaba bini achule teibose a bhut ni phaising lam rio.Khakchangma aphuru bini daburano kwrakhe romoi mokol mukumwi kirijagwi tongo.phiyaba kisa kisa philik phalak mokoltui bhutno bohrokni phaising phai tongmani nugui tongkha.Teibo gana phaioi swngphaio,khajuri butui nwngnade yong ? Khorang khwnaoi mokol phiyogwi naisik naimale kamini khura phatua se yago gola thaisa tuijak,khorogo pagri khajak .Aphuruse khakchangma kha swrai swrai wngjaksio. Ulokhai bini achuni yak yakar rikha.Aphuru khakchangni achu phatuano sao, do hinkhai nini a khajurini bwtwi chwngno jono cupsa khanidi hinkhai.Nwngwi naiyano kwtwide kwkha.Aphuruno khura phatua jono cupsa khajuri bwtwi yaphar rio khakcjangma tei bini achuno.Khakchangma khajuri bwtwi yago namani ulo uairikhai mwnwioi sao,hinkhe ama kubui kokno sao!
——————–++++++++++++++——————-
