Tapang hakra bwlwngni maiphang
Siniya nobar satung.
Sak dengdorwi tongkha kormosai
Tongrwkma dengsa dengnwi.
Sak lomsawi hamung siniya
Gwdalkha kubuni bahai.
Swlaikha bini baithangni sakduk
Soisoi maiphangni goron.
Walwng togwibw busulwng tongwibw
Narwkdi sakni goron.
Ransai thangmanw bwlai bokong
Tamwrandi yaphang murama.
Tapang hakra hokna thangphuru
Karjagwi tongrwganw .
Bisi kwtalni watwi kwlaiphuru
Rotonphiwanw salsa.
Tabuthardi nini khano.
Bisi kwtalni hatal kiyogwi
Kosom nokhao boga birsaphuru
Nobar kwrano mai woksa kharwi
Nini naithokno bwino bolaiphuru
Siklirog chohoi mani.
O tapang hakrani maiphang
Tapokdi nini o halok.
