Baithangni thinangno wansugwi
Khao kokthai kholo ,
mwchungo bothop
Rangchak kaisingni haikhe ,
Bolong kuthugo mwswisa khorang
Huk Ari siyalsani khorang !
Ama Babuni mayani kokthai
Kwpalo Ani borokni ruwai.
Aitorma kwchwng chumui sakao
Nugwi kwmango imango .
Hathai Hapung siyari bai kubuljak
Pamtwi thop thop ani kwpalo.
Hukni banta bahai pirma hai
Pirna muchungo ruwai
Kwtwi sumui khorang haikhe !
Simalwng bokhoro owang pungo
Jadusong khwnao ringhorma khorang.
