Kwrwi bai gwnang
Kwrwi hinmabo kisani kokya
Lukuo sak nangjakya
Gwnang hinmabo kisani kokya
Lukuo bolaijakma thakya.
Gwnang wngnairok bahaikhe wngkha
Kwrwi wngnairok bahaikhe wngkha
Wansokde naikha norok?
Kwrwi bwsarok salpung sal himo
Og supungna bagwi
Gwnang bwsarok salpung sal himo
Og swbaina bagwi
Bo lamtwi himkhe kwrwio sogwinai
Bo lamtwi himkhe gwnang o sogwinai
Wansogwi yapri sedi
Nini thinangle nini thani se
Chongdi bo lamtwi himnai
Rutukdi bo lamtwi hapnai.
