Nasingjak bachai sal naisaui
Bkha ruaiwi mokol lokgwi
Satung kwprap sakgo phwranwi
Uatwi kotoro bwkhwnai suchai
Bangkungdiri bai jangorok jakgwi
Thango phaio borok kwbangma
Bising basang laina kiriui
Philikya mokol uphilya ukolok
Yakung ruaiwi lathano logisong swnamwi
Maichu chujak twi kwchang dajak
Langa kengaijak dasa daborok chekhai
Yapiri baksa himnani
Khapango motomjak halok
Biko biyang siribg siring
Thaisa kok salangya gwja
Bwsak sederwi laiwi thangbai
Angle nasingjak kiching mare maijan
Khorang khlai langdi
Lampra tongo ang
Miya saripang kok biti kholaima
Aichukgo pokyanabla
Lamaduk kolok himna nanganw
Hacham ha rimi kana nanganw
Mwsa mayung lama tonganw
Saichung manglak himlai
Tongo bachaui lampra nasingwi
Dongdari konsini swbai da hulwi.
Lampra ~ Naba Laxmi Debbarma
