- Advertisement -
Langmani ayuk aswk de bara
Paima se sislapya jora,
Jora sokphai khe yakar ma thango
Kebo matongya ayukni bahra.
Srapsani bagwi se swngcharo phaio
Nukhungo nograi beraina phaitwi,
Nograi se hwnkheba swngcharo chwngba
Salsa mathangnaino kiphilwi.
Ayukni bahra sabo se ma tongnai tong?
Swngcharo thwiyani omor manwi,
Achai phai khe jotono salsa ma thwinai
Taknaisa Kaitorni raida twi.
Tamokhe baksaba sogo, baksaba phobo
Thwimani yak ulo mang kwthwino,
Chukhao de sogwino morkeo de sogwino
Saimanya keboni mangni pholano.
- Advertisement -
