Nini chummani ri- kichikno nuqui
Kwbang borokno naywi mwnwinai
Phiya tonglak kebo nono paywi riphainai.
Langmao kuchuk kanani hinkhe
Puila ridi nwng jorano borom!
Sak- sakno nwng surchakhe buibai
Mannai nwng sak-sakno lachimung,
Chni borokrok naisingo jorano
Phiya naisingya jorale borok-no.
Langmani Lama himphuru nwng
Kwlaikhe waire-wai nwng
Swlaidi nwng nini lamano
Ta swlaidi nwng nini imang no
Buphangbo swlaiyo bini bwlaino
Phiya swlaiya bo bini jagano.
