– Jahen Debbarma
Nono twiwi wajak imang
Mukthangda wngno
Ang saimanliya.
Nono twiwi swnamjak bumul
Saiwida mano
Ang saimanliya.
Sampari bahaino mechenjak
Nini sakmangno
Nini motomno
Haichuma huijak.
Noni naitugwi riwanw mwtai
Toksa tharwi eba Tokjwk tharwi
Hayakhe
Toktwi twisabai
Wasok soksa, Ri kwthar kangsa, Khumtang tangsabai.
Bari kaijak mogodam
Khwnai chakriri
Rigwnai kwkhwrang kanwi
Nwngda wngkha?
Kherengbar bahai
Manya motom
Nwngda khogwi nakha?
Khwkchwi chakjuju
Kophol kumunhai
Nwngda swnamkha?
Nini naithokno
Habarbai bolaibaya.
Nini DNA Ama Babaniyana
Swnamkha judakhe
Nokhayungo tongnai mwtai,
Wadi imang hwnwi
Nono manna bagwi
Ano aisiyokya
Wansukdi hwnwi
Kwnwi langma manjuna bagwi.
I bolongo nwng huijak tongbo
I twisao nwng kochok thangbo
Ang ochai sikla
Ang kwthar puitubai
Nono naituknai
Nono mansuknai.
