Laibuma noh — baka saka o boksai halang tonidi
Thinang ni emaang noh — khutrok o chobui swrapsa pogwi tongdi,
Tini ni o jora nini bagwi simi
Sak noh hayung ni bubagra hinui
Tongthogwi mwsadi
O bwkha tamole uanswk
Mo jora nini simi
Mo langma bo nini simi
Langma chini swrapsani
Aboni bagwi belai morokjak
Uanswkdi mo langma tak-pha bai yapharjak
Jora ni kebengmung noh pogwi
Samung o gwdal tongdi
Tini ni o saal tei kiphilglak
Yamorok ongwi khajani mokol noh
Ta kholopdi,
Yapha o kwrwi phaan noh khitarwi tonidi
Sak noh twi hai khe uanswkdi
Twi kaham hinkai nwngjaknai
Sitra hinkai hor bwtharjaknai
O bwkha tamo le uanswk
Mo jora — nini simi
Mo langma bo — nini simi
