Khatungma manwi khukchwio mwnwijak
khapang kherbai rite rite
bisma bekreng ragwi
Ari kwrwi langma kholnani
yapri seo khotolni ulo khotolo
phan thonjak swkangni yaprio
mwkhango tongthokjak Aitorma
kholte kholte
Bukchani simi kuplung mario tabuk
Chengdropni simi paithakni beremo
khatwtwng motom saharmabai
kha swrangwi bolaio
teile komorliya ang
thakliya tei lopjakma
lopjakmanng lopjakmang
Laibuma rekeui tabukni Kothoma
tongrwknai rwbaio
Teibo swkangte swkangte
Habao swrwngmao ebakhe
khukni simi swikong bwtwio
Awaithani-bolaithani salbrum
khaklap chuksario sandaini
Bahai motom rio bosongni
Phiya achomsa arini khuwa
musupma phan thonwi
sakno swnambo halok kwrwini kena
logio yamorok sandai
chukli homchang rombwi
Gatio-habao
Laharo Lamprao
khorango-khorogo teibo swrwngmao barai thonlaio
khao dunokma Muktwi tabuk
tophano unsruliya
khaklap thonwi teibo swkante swkangte
sir sotonwi laharo chirik mokorok
sokromjak musupmano mechenna
phan thonjak teibo chobani khorangbai.
