Hayungni raida
Achaio thuio…..
Kwcham komoro kwmaoi thango.
Kwtal tai uaisa usigwi peplao….
Abohaikheno bumuk Perwi bwlai botoro Rotomwi twrwk twrwk
Tornani chengo….
Nangmani nobar uatwi
Satung ma chaoi
Botoro bubar wngo.
Bwlai bedek saharwi
Twrwk twrwk salsa Kotor
Buphang wngwi sakolom Rio borokno….
Bubar barmani ulo Bwthai thairioi….
Baksaba nok khungsa Khungnwini bagwi simi
Baksaba kami amchaini
Bagwi …
Baksaba haste hakotor
Hayung gwnangwi Pirjakkha nini ani
Bebakni bagwi…
Nwngbo haikheno achai phaikhana…
Tabok chini samo mung gwnang borok wngwi
Hayung gwnangwi sinijak
Tongkha…..
Aboni bagwi a saharma Bahai ani sagobo kisaswk Nangphaikhana
Aboni bagwi tini nono Lobwi thaisa thainwi
Kokthai koklob swina
Rwngkhana!
Achaima Salo khulumu nono…
Nini achaima ha belai Naithok no
Nugui khapang Kha Swrangya swrang Thotokno….
Nini achaima ha koklobni
Thaino….
Aro salbrom brom Phung Aikheno koklob koktangrok….
Yaphang yarwng Peplanaino…
Tamoni hinmale nini Nokni yaksi yagra
Kheto Mai auar…..
Chichiri samsota kakamukni khorang..
Kheremuk chichiring Kokni khorang…
Salbrom nwngle khwnai khwnaoi….
Saimansukkhana Nini khapang Bohrokni koksama Bwtang!!!!
Aboni bagwi nini koklobo
Aswk nangmani bwtang….
A Koklobni bwtang
Hayung gwnangwi Pirjakkha….
Sinimung mankha wngkha khoroksa
Kwrwng koklobnai!
———-+++++++———
