Nini bwmung no khulai khai khugo
Ang kha o swkangno chongwi naharo.
Bwrwi nwng kwrwi Nokle
Chal thango khakchangma rokle.
Naithok bai gwdaljak goranno.
Nukhung kwchangrinai sajwkno.
Nokha ni chajak ma, athukri mwnwihorma.
Hayung kotoro kubuino nukma.
Nokso kwnao mailuma achukrwi,
Satrai sagwi bono khulumui.
Cherai phansokya, tangnase chukya.
Bumano phiyokna langi bai twi khohkchoroma.
Nok komon tongnai, borok narwkna
Ang no bwla o bwrwi.
Bahri mwchangri khumber no motomrewi
Riginai risani bwmulno bwino siniriwi.
Satung hokithai kalomtwi khiklai tangkwlangnai huk.
Raima saima ni kothoma wangwi swijak.
Twio kochotwi Ganga bakhorok
Wangwi maya ma phani khachuk.
Hachuk,hachwkma,twima twisarok
Nwng baino bwmung pharwi gothokjak.
Lachima kwbang, kirima kwbang
Sako rikutu twiwui mamang.
Bwsa phikungo khauise bansi,
Isiri sengthungma hano narokna choba khailangmani.
Maya saharjak ama, nukhung swnamnai hik,
Naikolnai bibi, chayano romnai hanok.
Bini dalbidal pali bedeko,
Bo mwchangriwi tonio bosongno.
******************
