NWNG ANI BA ~ Jahen Debbarma
Nwng ani ba
Tekto ang yachagwi
Kaham yapharnai nono.
Nwng ani ba
Poja hilik ang rujuwi
Heleng khwlairinai nono.
Nwng ani ba
Watwi nobar manjagwi
Angsi katirinai nono.
Nwng ani ba
Samung kwrak khwlaiwi
Lelamung rinai nono.
Nwng ani ba
Nini kha koina swkang
Bandina ang tiyar tongnai.
Nwng ani ba
Nini mwktwi yorna swkang
Thakrina ang tiyar tongnai.
Nwng ani ba
Nini kha khamna swkang
Twi luna ang tiyar tongnai.
Nwng ani ba
Nwng walaina chengna swkang
Thakrinani ang tiyar tongnai.
Nwng ani ba
Masingni kwchangmao
Khenta ang nini wngnai.
Nwng ani ba
Tatal kok ano sabo
Maniwi ang nanai.
Nwng ani ba
Maimui songna nwng rwngyabo
Songwi ang charinai.
Nwng ani ba
Ano thamchi kawi tongbo
Nono mwnwimung rinai.
Nwng ani ba
Mai kwkham chawi
Mai kaham nono charinai.
Nwng ani ba
Nini mwkhangno naiwi
Sanyai tongbo paiwi rinai.
Nwng ani ba
Kwnwi khabaksa wngwi
Ama Babuno khulumnai.
Nwng ani ba
Bedi guriwi jarini twi lujagwi
Hichaknwi chwng wngnai.
