Buphurubo birlangkha khani dangdalni
Nuse nukrwkliya,
Muituse khaijakliya.
Phayanw hinwi naisingmang naisingmang
Bisa kanani naikha,
Puitu khwlaiwi hamjakma rima
Puitu swbaiwi paikha.
Bwkwrang subwi rohorma angle
Anose muitu kwrwi,
Bangwra saka muthuma angle
Tabukle thunaise kwrwi.
Muktwi kwlaima nugwi tongphuru
Ano rekeui phaima,
Tabukle halchaljak ganao kwrwi
Biyangbo thangkha birwi.
