Aichuk wngwi sal pakheno;
Nono nugo ani mokol bwskango
Maicho chuoi pakuri sorwi;
Chango ri khaoi
Yago da borok kaisa twyui
Huk tangna thangkheno
Nugo nini mwkhang
Hukni samung tangbayui
Sarik sal twilulukgo
Nwngbai kwnwi khe
Maichu buchu khengwi
Gairing sakao mai chalaima
Tabukbo mukumkheno
ani mokol bwskango nugo
Twma kwpal manwiba
Nwngna daktino
Oh! Swngcharno yakarwi
Angbai chalwi thangnani nangkha!
Mwchungo angbo
Nwngbai tongnani
Agini aa sal jora rokno
Teisa phirogwi da mano?
Phirogwi da man? -Abel Debbarma
