Rangchak hasteni rangchak RANGOLA
Phobwi kwlangma aswk kwbangma
Sini bubagwra rok
Yapri kaisa himna Rwngyabai
Kok baksatwi tongna siyabai
Pokrwrwk jaga nikwma rok
Bahan bai bukur kaisa siyani
Nijibai niji khapi manyani
Khokjakha nijini manthairok
Banta chajagwi hanta rijagwi
Yakung ketaiwi kwpal khurioi
Tonijakha sini rwngkwrwng rok
sakni thwino’ sak manwngkha
mwktwi kolomtwi baksakhe yorkha
Tongnani rwngya rok
Sakni rigwnai buino marikha
Mwnwina jora kapnani nangkha
khasina rwngya rok
Nogni togwla no-go’ matongya
Bolongni aming toksa khatiya
Bujina rwngya rok
Mwktwini twisa bwswkba yornai
Mayungba mokol buphuru nuknai
oh ani ‘Dopha rok
Bwswk thusinai sichabai sidi
Lama twngsatui naituklai sidi
Sini hambanta rok
Sini bakbanta rok
