Rumu duru-duru talni goron,
Bwlai kwraijak buphang kotono kharwi.
Sabono jani naichomwi tongkha?
Sanja laidorobni simi,
Chethuwang bosok sachuwi kwlangnai,
Bwrwijwkma phano wngkhwna.
Achaima hano mwitu manwi,
Belai Khatangjagwi khakhammano phunukna bagwi.
Tini i talnuksokni tal kipiro,
Rumu duru-duru khwlai phunuk khwna.
Cheraini Simi okwrarokni khugo khwnamani,
Baithang bo kisa naichomwi nainamani,
“Watwi wana hwnkhese tal rumuo”.
O bwrwijwkmani khao chobjak,
Kupulwng khatangmungrokno.
Chwngno siri rina bagwino thop-thop wngwi kwlaina,
Haiyakhe tamoni kokya kokle rumu wngnai ba
