Saburum burum uatwi uakhaiba
Rwchabnai tei kok kholnai: Bg.jwk Krishnapati Debbarma
Thumjakmani bisi: 26.8.76
Saburum burum uatwi uakhaiba ba
Tukuyawi tonglainaide?
Mai bai uaijalaikhaiba
Mai chahyai tonglainaide?
Babu burasa toiling gudaitwi
Ritrak chumma hankha
Mayo burichuk aming gujitwi
Thapa Sukuma hankha.
Mai bai babu chloliya khaiba
Twiyai chwng tonglainaide?
O rangchak songno -khapang kha dukhu
Nwng twma mari?
Mayo babuni baka mwchana
Khapang kha dukhu bono ta ridi II
Nwi
Rwchabnai tei kok kholnai: Bg.jwk: Sukhini Debbarma
Thumjakmani sal: 1975
Mag pondor phagun dagrio
Toskumabo pungo.
Phagun pondor choitor dagrio
Maji bilat bubar sario.
Bolong khumma khe bukhuri rio.
Goria mwtai phao.
Choitor thahngkhai boisak phaiyanw
Boisak mai kailaimanani
Sena kwcharbai buisu kwcharo
Maiba chwng baroknani.
Harung ha kwchang guria kaidi
Bobo cheraini chahmung.
Pub chalia halap hinkhaiba
Mami uatolok kaidi
Maini sakni maimung mwchalai
Garu sokiya mai bwsa maya
Kaide hamno hamya
Tokma khwkalap hapung sirurwk
Angba gairing bai bono.
Nwngba bwrwiba maikana khaidi
Lama ganao gunthu pindi
Gunthu pinmani jora jorao
Sotor bongo pindi.
Jaduni thumnai: Bg NC Debbaram
