Sabono kiriwi
Himrakya wnglang?
Sabono lachiwi
Mwkhangba huilang?
Nini chuchusong
Mwsabai solai kami swnamkha.
Nini maphasong
Mayung kwthwngno
Twilok twirwkha.
Tini nwng sabono kiriwi
Hukno yakarlang?
Tini nwng tamoni Tai
Sabono kiriwi
Twi khokrakya wnglang?
Hapung hathai
Twima -twisa
Jotoni nokphang nwngse!
Kirina nangya swkang barokdi
Yapri songwi dophano twidi .
