Kokgo no tongo
Chanai pok phano chajaknai pokya
Kwsa ham phano khain komorya
Wailaima thak phano Jolima thakya
Rwchapmungo bo tongo_
Kwmakha khakchangma Tongthokma o haa ni
Kwrwikha hamjakma Khairokma Borok ni
Nuhorliya boro sogwikha raida o swngcharni
Bigra hinwida Kha nangnai bo kwrwi kebo chini
Baithang bo nugwi tongo_
Derajak samung Tangna rwngyabai
Majra berjakha haa kwrwi Nok ari rokbai
Chaya kwrwibo hamya sajakha seb rwngyani bai
Khakwlai hinwi da norokba hai wngma kwlai
Joli tongphano hambwi thanganw Swrapsa bai
Gana bachaui Nasigwi naidi sakni mokol bai
Bwkhao bo kok kicha tongo_
Pogwi thangyatwi khe muito narwkdi
Tongna muchung khe tongmung swlaidi
Thang na muchung khe Mukumu kwlangdi
Naina muchung khe chati mwchwng di
Rwngna muchung khe swkang Borok wngradi.
