Tongtwi chatwi wansukma phaio,
Khapang ani uru muru.
Sao o kok no kok,
Ta hodi ano, ta hodi ano.
Ama, angbo nini no sa,
Tangwi wngjak ano kwsa.
Apha, manna muchungo nini hamjakma,
Rijadi ano nini khatungma.
Tongwi mangwlak chalwi norok bai,
Kwtal nukhung no ang ani hinoi.
Asi se yogyakhu,
Chalna norogbai mwchungyakhu.
Ta hodi ano Buino yapharwi,
Buini raida ang twina rwngyakhu.
Yapiri ani belai kebelkhu,
Baithang se manna jora phayakhu.
Hamya rogsaoi kaham rigadi,
Hamsana jora tongkhu.
Yapiri seri rakri gwradi,
Raknani jora tongkhu.
Norogbai twiduljakna nangkhu,
Sal burum burum naikoljakna nangkhu.
Ani chayarogno kisa sukurukdi,
Wana ang rwngsukyakhu.
Bangra berai buthepgwradi,
Khaklapo berai muthugwradi.
Muchungo te kisa chopjakyai tongna,
Ani sinimung no swngcharo pirna.
