Thinangno swnamthani
Kwlaina nangkha Ani mokolni muktwi
Tongwi manliya khani muchungtwi
Tongwi manliya sakni tongthoktwi.
Khibina nangkha rangchakni chasmai
Swbaina nangkha motomni halok
Thinangni yapri sewi himthani
Malaikha langmani haduk duk kolok.khani ruwaima khaono chobwi
Ma-phani imang Khao chabwi
Busu kwbangma lamani norwi
Himbwino tongu angle thinangni yapri sewi.
Himte himteno belkha yapri
Haiphano imangle pokya
Sakni imangno kubui khainakhe
Swkang masenai thinangni yapri
THINANGNI YAPIRI -BY RIMA DEBBARMA
