Pokna kokthaino pogwi thangyani
Nang nungya kokthaino tuioi
Kokbanglai eglaini
Langmao nukhungo
Jwngjal nangjak.
Okra cheraino borom rwyani
Cheraibo okrano manina rwngyani
Nukhung hukungo
Halok deramung chajak.
Sirisitini raida kaidano
Mani choliyani
Okra hinjaknaibo kusuno
Tuidul rwngyani…
Kusu hinjaknaibo
Muchung kwtal jorabai
Sak swlai tomungni…
Tongthai tong halok derajak.
Khuk rwbai kwrwi
Kokthai samani..
Bwkhao homchang chujak.
Aboni bagwi jora jorao
Kokthaini hoki biphiring wngkhorwi
Rwcharjak khorogo bwkhao.
Mwkhang som som
Khorang gom gom
Nasik manya mwkhang…
Khakchangma kwrwi
Tongthokma kwrwi
Tongthai tong halok derajak….
…….. ………… —————–………………..
