Khapang besertwi halok manjuma
Mokol mukchingtwi mukthang tisama
Khapangni khachuksa wngwi
Jadu bai baksa tiyari tukuma.
Mari tongkhu holongni mango
Rojongbo kok sakho tini
Tokphuwalsa lopsawi tabukbo pungo
Jalaio tokpupu pungo
Twibuk khorogo huloksa pungkhe
Muphuksa khaklap buo.
Jalaini khumpui bahai motomwi
Jaduno khatangrio
Swkangni mukumu, lai kabuma
Khapangno tentaiphaio.
Rangchakni hachwgo
Kwkhwrang goron bai sakmang tukuwi
Twilwlwk salthang jorani mwkhang
Kisisa mwnwilango.
Kha khamjak khachukni kok
Salangna hinlangliya,
Mwnwimungni mwkhangono gwdalkha
Bebak kha khamjakni kok
Logi khumpuini bochop.
Twilwlwk Mwkhangni Kok || Kashmir Debbarma
