Twima Twisa kochogui phaima
Nwngle chini hao achaima
Bolongo pungo toksa tokmilik
Kwbangma achaio wathek wamilik
Hapung hathai kwkhrang
Mwsui, mayungni khurang
Kwrwi kha aswk buphang waphan
Kwmaiui thangkha hukumuni yaphang
Sip-sip phaio nober
Motomo nok ganani sapili buber
Kamini chakwlwi bosoloksa
Twisao naio athok abarsa
Twisatwi wa kochok rwuino
Ma sopongo bwsa bwtwini okno
Kwrwirokni mwktwi kolomtwi
Kochokgo khurumpuini yaktwi
