Yokmung sano kha
Mwthangsidi kisa—
Mwthangwi tongnai mwtai kaithorsa.
Langma hangsajak
Kokthai kwmajak,
Jwngjalni bero kwlwgwi tongjak!
Bwkhani jala sabono sasinai
Tongwi tong jala
Sabono phunuksinai!
Swbaba yokmung tubui rwsinai?
Khuk tongwibo
Kokthai kwrwikhe
Langma kesep wngo
Kwthang tongthani!
Swbani gailo ma chaoi ba aswk
Khatongjak tongkho
Langmani omthaidwk!
Sukrukna naibo sukruk manya
Jeswk sukrugo aswkno sutru chao!
Uansok uansogwi hama hangsao
Yoknani bagwi bwsak kaphrao.
O jwngjalni bera
Tai bwswk chalkho?
Bwskango himnani teibode nangkho?
Boroba thangwi ba sukruk mansinai
Lama phuarjak samo mansinai?
Phwlangsa ani khapang wngsinai!
