Yaksi yagwra ayang uyangni
Chasolok chalairok phailaio
Ul swkang Toroi toroi–
Tongthokma haparni gati khamao
sinimung rwlaio swrapsa jorani nuklaimao.
Waisa nukheno kok kwtwi tuklai
Khapang yakhwrai bolaina chenglai
Kwtwi kwkha chekaina rwngyaja
Sachwlangni khumbar kholwi
Khajuo borwi rilaio kherbai!
Sijakya aro kuphur bai kosom
kaham hamya sitwra komok,
Kha kosong wansugwi bisma pholok!
Chasolok chalaini goron
Haching bwlai bai walaini bwlai
Pherlaima Kwrwi ahai.
Baksaba chekaina rwngya kaham hamya
Tongthokni tiyario kasele kwlaywi
Sal barya kherbai rio.
Paithago chalaini khachuksa
Chalaini thinang lam tansui
Kharlango khitung tisai,
Ah jorao kha kosong chalai
Kwpalo birman-ni thampui bajagwi;
Twio boya hakungo boya
Tongnani nangjao talikha khamjagwi.
