~Abel Debbarma
Aichuk jorao nini khurio
Muchungo tongnani achogwi nwngbai
Motom twilwlwk ani yalwkti,
Sarik jorao saichung achugwi
Muito khwlaijao nono angle
Swrapsa nono ganao manyakhe
Ani bwkha ba twmaswk wng khep khep
Mwnak jorani khum bahai manwi
Kholna thangmani khachigwi mwnwi
Bahai kwrwi kha ganao thangwi
Khumbubar motom biyango thangkha kharwi?
