Swrapsa phaiwi bwkha
Tongtok riwi riphai kha.’’
Rongdukni mairong kwrwi bai,
Baksa khwlai khwlangkha ani khano.
Bwkhao khumbarsa barwi khwlangkha,
Nwngle athukiri chalang kha.
Nni khumbarsa khwlangma,
Abose ani Rangchakni hamjakma,
Twisani twi kwchong thangwibo
Nini hamjakma tongnai ani khao.
Imang chawi Khwlangkha
Twisani twi kwchongwi thangkha
Maichulwi sargwi
Achaio bisi bisi no
Bwthai thaio bisi bisi no.
Nini hamjakmale waisa se
Hapung hathai sakhao
Khum bubarle kwbangma
Nini khum bubarle kaisa se.
Toksa tok chawi birgwi thango
Khum bubar simi,
Motom chawi khwlango.
Bongborai birangjak,
Nwng khwlangma bubarno.
Tongtok nai logi manliya,
Sajaknai kokthai manliya,
Gairing thangna logi manliya;
Imang chajak nini hamjakma.
Holong chawi khwlang kha.
Borok kwtangno’’
Kwthwi chawi khwlang kha.
Siyari chajak.’’
Nokya bai baksa.
Nono nokma hai ma tongo.
Kok thaisa’’Khorang kaisa
Chalang kha kobor chawi,
Lama himlangkha kobor chawi,
Simalwng hinliya,
Hathai hinliya,
Twisa twi hinliya,
Hamjakmani mari hinwi.
Bwkhale twi chawi thanglang kha.
