Chwnarjak sakduk
Mwkhang khorang
Khatrojak nini
Sikla mwkhang
Khoroksani bagwi
Tiyari mairangNwng tini twma wnglang ?
Ma-phani mwkhang soklang.
Nwng barnani swkangno
Joriwih thangkha
Thainani swkangno
Kwrawih thangkhaMa-pha ni imang chokha.
Tabuk terejak mwkhang
Sundrujak khapang
Kwmakha nini Baithangni wansukmarok,
Khairokma kwrwi tabuk
Kiriwih kha sobom torbaikha
Kok kwrwi gwja
Lukuni khugo
Twirara noksar
Lukuni khorang
Nwng tini twma khailang ?
Nwng tini twma wnglang ?
Nwng tini sakduk bolina jora
Wansukma rotomna jora
Imang kwthangni kokno wansugwi
Yapiri sena jora.
Uatwi kwrwio
Pherang kogwiSakmangduk sokporoi kwlang
Nwng tini twma wnglang ?
Ma-phani mwkhang soklang.
Aisiri-siri tokwla tentawih
Phung aima sosai tongo
Dangdalni pantwibo
Nono naisingwi
Bachadi ,sichadi hwno,
Oh-Naithok-naithok oh-naithok
Ma-phani khugo nini mung
Nwng tini twma wnglang ?
Nwng tini twma khailang ?
Sal hapna swkang
Chumui kwrwioSal mwkhang kwmama haikhe
Rangchakni thaino
Yakar kwlangwi
Ma-phani mokolo mwktwi…
----‐-------------