- Advertisement -
Ta nasingdi pohor ni jora no
Ta thudi hor jorao .
Ta kiridi mwsano
Yakgo ban chakhwla twi tiyar tongdi
Nwng masaya sikhari muitu tongdi!
Mwswini bomtom ta wngdi
Kerangni bomtom se wngdi
Lama lam kolok himnani nanganw
Nini langmani hadukgo sokgwina nanganw .
Ta khwnadi bolong siyal ni kok
Ta kwlaidi khwio phemloknai kwbang
Dogwlam kwrwi nok
Dogwlam swnamdi
Lunga thai ha riui
Milik thai swnamdi .
Huldi nini dasa
Bolong hokna nanganw
Twidi nini da damra
Hukgo maichwlwi khwichwlwi kaina nanganw .
- Advertisement -
