Biringphang biringphang
Jotoni swlai kotor buphang
Bedek bupra aswk kabang
Nwng ba tamo aswk k”torlang
Phurung aikhe toksa tokmilik bwthai chao
Lamatwi him nai joto borok orono lenglao
Sarik ongkhe toksa toktwi orono balaio
Thonani bagui jaga seklaiui chirik laio
Sajago biring phango mwtai tongo
Abo haikhe cherai rok no sikrijago
Kebo kebo biring phangno khulum laio
Aro mwtai kaham tongo hwnui
Phiya bo chwngno nokber kahamse ri-o
Buphangno hamjak di, buphangno kai di
Hayungno mwthangui larwk di.
