Dingwra kuplung imang horwi
Haduk botok lam rijak hachwkpha
yapri thonjak bolaijak
logio khumbar kiyokna naimahai
mwnwirorom khukchwi
nangya kebono bwkha kotor hachwkpha
saichungno khom khom.
hachwkpha tabuk
kwpal cholongni som yor riui
salburum kothoma swnambo
kothomao tongo
Buini mwnwimung, buini sejamung
kha baijaknai kothoma
tophano keranghai swkangwi thango
haikheno
kothoma pholokjakte pholokjakte
tabukbo thakykhu
siya i kothoma boro thagwino ebakhe
tei Kaisa mahabhartda wngwi bachano
abo laibumao swijak mananw
Bini khampwlaio bakhumai achukjak
Muktrwi kharjak
thuyam tabuk
Bismo paithak rokolangma Tirni thuyamhai
Corona, Amphan, Sitrang
aboni swlaibo kirimasingcha
nini Ani kena
thambek thambek wngwibo
Dadhichi bekreng gwnanghai
hachwkpha khakwlap thonwi
Hamjakma nakarma thansa thumsani
maichwlwi sarwi tongo.
